INTEGRAZIOA BULTZATZEKO JARDUERAK


Ikasle etorkinaren harrera ez da lehen egunetara bakarrik mugatu behar. Izan ere, ikasle berriaren girotze-prozesuak eskolan dauka lehen eremua, eskolan egiten baitira lagunak. Horregatik, integrazioa helburutzat hartu behar dugu gelan; planifikatu, jarduerak prestatu eta era sistematikoan landu.
Ondoren integrazioa bultzatzeko jolas batzuk proposatuko ditut. Gela osoarekin egiteko dira, eta ez da beharrezkoa hizkuntza jakitea, ondo uler baitaitezke keinuen eta gorputz-mugimenduaren bidez.

1.JOLASA: Itsuaurrekoa

- Helburuak:
Taldeko partaideen artean konfiantza sorraraztea, elkarri lagun diezaioten.

- Partaideak:
Gelako ikasleak eta tutorea.

- Materiala:
Zapi handiak, begiak estaltzeko.

- Jarduerak:
Begiak estalita dituen laguna gidatu.

- Garapena:
Ezinbestekoa da isiltasuna egotea.
Argi utzi behar da jolasaren helburua ez dela itsututa dagoen pertsonari oztopoak jartzea.
Ibilbidean zehar “itsua” zenbait egoeratan jarriko dugu: zaratak bereizten, objektuak antzematen...
Zer sentitzen duten da garrantzitsua, eta horretan jarri beharko dute arreta.
Talde erdiak itsuarena egingo du. Partaide guztiak bikoteka jarriko dira: bat itsua izango da, eta bestea, gidaria. Gidariek itsuak aukeratuko dituzte, baina hauek ez dute jakingo nork gidatzen dituen.
Denboratxo batean (10 min) horrela ibili ondoren, rol-aldaketa egingo da.
Bukatzeko, sentitutakoari buruz hitz egingo da talde handian

Ikasle etorkinak Haur Hezkuntzan

Gure ikastetxeetan etorkinen kopurua lehen aipatu bezala modu eragin batean gehitu da. Horrekin batera jakin badakigu irakasleok ikasle horieek beste ikasleekin ikasi behar dutela integrazioa lortzeko, baina tarte horretan oztopo ugari aukitzen ditugu. Gure kasuan bi hizkuntza ikasi beharrak ez du lana errazten. Ikasle hauen eskolaratzea kezka eta eztabaida asko sortu ditu, batez ere ikasleak Lehen Hezkuntzako azken ziklora edo Bigarren Hezkuntzara heltzen direnean.

Haur Hezkuntza esan genezake etaparik errezena dela integratzeko, izan ere haurrak nagusiak baino hobeto moldatzen dira egoera berrietara.Hemen jaiotako haurrak hemengoen antzeko egoeran daude, beraientzak ere eskola gauza berria da. Haur Hezkuntzako etapa hau ahalik eta zoriontzuena izan dadin lan egiten dugu irakasleok, baina garrantzitzua izando litzateke baita ere haur hauen familia gizartean integrazteko lan egitea ere. Horregaitik gure jarrera beharrezkia da egoera berri horri aurre egin ahal izateko.

Irakasleok izan ditzakegun hainbat pentsamendu:

- “Nola moldatuko naiz beraiekin hitz egiteko, elkar ulertzen ez badugu?”
- “Auskalo nondik datorren eta zer ohitura dituen!”
- “Zein interesgarria, orain arte ez dut horrelako esperientziarik izan!”
- “Jakin banekien familia asko etortzen ari direla auzora. Auzoan dagoena eskolara heldu da.”
- “Kanpoko ume bat nire gelan jarri dute, lankideari galdetu beharko diot ea berak zer egin zuen tokatu zitzaionean.”

IKASLEEN INTEGRAZIOA ERRAZTEN

Gure ikastetxeetako Ikasle etorkinen integrazioa nola erraztu azaltzen duen liburua kaleratu dute, liburua
Marije Fullaondok idatzia da lan hau abiapuntu izan dadin «aniztasuna lortzeko» .

Etorkinak eskolan, elkarbizita bideratu

Gaur egun gero eta gehiago hitz egiten da kultur aniztasunaz, plurikulturaz, etorkinez, integrazioaz, arrazakeriaz... Ikastetxeetara egoera horiez hausnartzeko momentua ere heldu da. Izan ere, gero eta ikasle etorkin gehiago dago Euskal Herrian.

Era honetara, gizartean kulturaniztasun, plurikulturtasun eta kulturartekotasun egoerak agertzen ari direla esan beharra dago.

Kulturaniztasunarekin egoera jakin baten berri ematen dugu, non kultura bat baino gehiago antzeman daitekeen.

Plurikulturtasunak , berriz, gizartean agertzen diren kultura guztiak maila beretsuan onartzen ditu. Horren arabera, beraz, bertakoek nahiz etorkinek mota guztietako hiritartasunari dagozkion eskubide berdinak edukiko lituzkete.

Kulturartekotasunaren bidez kulturen bidezko elkarren arteko eragina areagotuko litzateke puzzle baten antzera kultur bakar polifazetikoa eraikiz.

Guzti honekin asimilazio kulturala lortu nahi da. Hau da, kultura jakin bat gordez kanpotik datorren guztia bertaratu egiten da besteak dakarren pisu kulturala ezabatuz.

Etorkinak eta hizkuntz ereduak

Mario Zapata

Etorkinen hautua

Naturala al da etorkin gehienek beraien seme-alabak A ereduan matrikulatzea?

Arrazoiak:

+ Egoera soziala eta soziolinguistikoa

- Euskararen egoera demolinguistikoa (euskararen ezagutza eta erabilpen maila) eta egoera diglosikoa.

- Erdara jakitea eta ikastearen beharra EHn bizitzeko.

- Eguneroko bizitzan euskara beharrezkoa egiten ez den heinean, ekonomia linguistikoagatik, ez da lehentasunezko kontutzat hartuko.

- Euskararekiko jarrerak eta balorazio soziala. Ingurunean euskararekiko jarrera negatiboak dauden heinean (balorazio eza, politizazio negatiboa...), euskara gatazka elementutzat har daiteke.

+ Hezkuntza-sistema

- Hezkuntza-sistemaren egitura

- Hizkuntza-eredu ezberdinak nahasketarako bidea

- Hezkuntza-sistemaren egitura-hutsuneak: irakasle erdaldun elebakarren existentzia distortsio elementua izan daiteke (interes-taldea A eredua mantentzeko)

- Ikastetxeen arteko lehiakortasuna: hezi beharreko ikasleen interesen eta interes orokorraren gainetik ikastetxeen interesak jar daitezkeelako

- Hezkuntza-sistemaren baliabide eza. (D ereduan plaza nahikorik ez, laguntza-irakasle eta material nahikorik ez)

Didaktika integratzailearen ekarpenak

Euskal Herriko ikastetxeetan, orain arte, ama hizkuntzatzat euskara, frantsesa edo gaztelania duten haurrak izan ditugu batik bat. Azken hamarkadetan, euskal irakasleek lan izugarria egin dute ikasle horiek euskalduntzen.

Gaur egun, aldiz, ama hizkuntzatzat gaztelania edo frantsesa ez beste hizkuntza bat edo batzuk dituzten haur erdaldunekin topo egiten ari gara. Irakasleek ez dituzte ezagutzen hizkuntza horiek; eta, jatorri, kultura nahiz erlijio askotarikoak izateaz gain, besteak beste, egoera sozioekonomiko kaxkar bateko eta immigrazio mugikor bateko partaide dira; hau da, ez dira lurralde edo komunitate batean urte luzeetarako geratzen, leku batetik bestera dabiltza. Arrazoi horiek bide, ikasle erdaldun horien euskalduntzeak (bai linguistikoki, bai kulturalki) hainbat sektoreren edota profesionalen elkarlana eskatzen du.

Orain arte, haur erdaldunei euskara irakasteko orduan, bereziki, irakasleen eta hizkuntzalarien lana nabarmendu da. Gizarte laguntzaileen, psikopedagogoen eta horrelakoen laguntza ere hor zegoen, baina eskolaz kanpoko zerbitzuak ziren.

Datuek adierazten dutenez (Eusko Jaurlaritza, 2002), azken urteotan EAEn ikasle etorkinen matrikulazio tasa bikoiztu egin da. 1995-1996 ikasturtean 1.942 ikasle etorkin zeuden, 2001-2002 ikasturtean, aldiz, 5.415 zeuden. Bestalde, horien matrikulazio tasa azken urteetan % 40 ari da urtero igotzen, eta gaur egun, EAEko ikasle guztien % 1,8 dira1.

EAEko ikasle etorkinen ia erdiak iberoamerikarrak dira (Eusko Jaurlaritza, 2002). Gure ikastetxeetara heltzen direnean aurkituko luketen jauzi bakarra hizkuntzarena balitz, hauen etorrerak ez liguke kezka handirik sortuko, EAEn hainbat urte baikabiltza gaztelania ama hizkuntzatzat duten haurrak euskalduntzen. Baina Victoria Mendozak (Mendoza, Victoria, 2002), kultura anitzetako ADISKIDETUAK elkarteko lehendakariak, behin eta berriro dioen legez, Iberoamerikatik datozen haurrek gehienetan aurkitzen duten jauzirik handiena kultura arlokoa da.

ETORKINAK IKASGELETAN

Nahastuta lortzen da integrazioa

Ikasle etorkinak ikasgela arruntetan jartzen hasi zirenetik emaitza hobeak lortzen ari dira zentroetan .
Asier Iturriagaetxebarria - Bilbo
«Ikasle etorkinen integrazioa lortzeko imajinazioa eta jarduera pedagogiko onak bakarrik behar dira, ez dago errezeta magikorik». Zarauzko (Gipuzkoa) Orokieta herri ikastetxeko zuzendari Xabier Mujikak zalantza gutxi ditu ikasle etorkinen eta haien familien eskolatzearen eta gizarteratzearen inguruan. Zalantza gutxi ditu orain, bere garaian izan zituelako bat baino gehiago bere lankideek bezala; eta handiak, gainera.

Orokieta lehen hezkuntzako ikastetxeak 800 ikasle baino gehiago ditu egun. Horietako %6-7 dira etorkinak. Zarautzen badaude beste herri ikastetxe batzuk, eta orain dela 7 urte ez zuten hainbeste ikasle. Mujikak azaldu duenez, denbora horretan asko zabaldu zen beren izen ona herrian, eta gainera, lehen zentroa herriaren kanpoko aldean bazegoen ere, orain etxebizitzen ondoan dago, herriaren hedapenagatik. Horrek guztiak eraginda, urte gutxian hirukoiztu egin da Orokieta zentroko ikasle kopurua.

Aurreko urteetan ikasle sektore berezi batekin lan egitera ohitu ziren Orokieta zentroko irakasleak. Ikastetxearen ondoan Guardia Zibilen kuartela dago, eta hango seme-alabak joaten ziren; eta orain ere joaten dira. «Orain egonkortuago daude, baina lehen hilabete batzuetarako bakarrik etortzen ziren gure artera». Baina orain dela 6 urte, Europakoak ez ziren lehenengo ikasle etorkinak hartzen hasi ziren Orokietan, eta orduan zalantza handiak sortu ziren. Mujikak azaldu duenez, hasierako urtean aparteko ikasgela batean sartu zituzten ikasle etorkinak. Ikasgai batzuetarako (matematika, ingelesa, musika, gorputz hezkuntza) bakarrik eramaten zituzten haienak izan beharko luketen geletara. Emaitza txarrak izan zirela agertu du Orokietako ikasketa buru Idoia Lasartek.